Тоглоомонд мөнгө зарцуулахгүй байх боломж

Далай лам:
   Бяр чадлийн ундрага тул,
   Бодож сэтгэхэд цаг гарга
   Бага залуу харагдах тул,
   Тоглож наадахад цаг гарга ... хэмээн  сургажээ.
Мөн,
   Хүүхдийн хөгжилд, эцэг эх – хүүхдийн харилцаанд тоглоом бол маш чухал үүргийг гүйцэтгэж байдаг. Тоглоом бол эцэг эхчүүдэд хүүхэдтэйгээ чанартай, хайр дүүрэн, үнэтэй цагаа түүнтэй хуваалцах боломжийг олгоно. Эцэг эхчүүд хүүхэдтэйгээ тоглож байхдаа гадны ертөнцийг умартан, орчлонг хүүхдийн нүдээр харж, хүүхэд багачуудын хосгүй ертөнцөд түр ч болов саатаад өнгөрөх боломжийг бүрдүүлэх сайхан тоглоом зохиож тоглож байхыг мэргэжлийн сэтгэлзүйчид зөвлөж байна.

асуулт: Хүүхэддээ тоглоом авч өгөхдөө бид хамтдаа тоглоно гэж боддог уу?

Эрүүл хүүхдийн хөгжилд тоглоом маш чухал байр суурийг эзэлнэ. Тоглоом нь хүүхдийн оюуны, бие махбодийн болон сэтгэл санааны хөгжлийг уран сэтгэмжтэй нэгтгэн хөгжүүлдэг хэмээн Сэтгэлзүйчид зөвлөж байна.

асуулт: Таны авч өгсөн, таны хүүхдэд хэн нэгний бэлэглэсэн тоглоом таны хүүхдийг эрүүлээр хөгжихөд туслаж чадаж байна уу?

Тоглоом нь доорхи маш олон шалгууртай байх ёстой гэж үзэж болох уу?
- хийсэн материалаасаа эвгүй үнэртэй,
- хаягдаж гээгдэх, эвдэрч хэмхэрч ашиглах боломжгүй болохлоороо байгальд хоргүй,
- өнөөдөр авлаа, маргааш гэхэд эвдэрсэн байдаг буюу амархан эвдэрдэг, хуурамч,
- хаягдсан гээгдсэнийг нь нөхөж орлуулах, сэлбэн засах боломжгүй,
- хэд хоногийн дараа хүүхдийн тань сонирхол нь буурсан үед өөрчлөн тоглох боломжтой эсэх,
- ганцаараа тоглохын зэрэгцээ олуулаа тоглох боломжтой эсэх,
- цаг, өдрөөр өсөж байгаа хүүхдийн тань хүсэл сонирхолыг даган өөрчлөгдөж чадах уу,


дээрх 2 асуултанд өгсөн таны хариулт таньд таалагдахгүй байвал, та тоглоом худалдаж авч өгөхөд зарцуулсан цаг хугацаа, мөнгө төгрөгөө дэмий л үрэн таран хийжээ гэж дүгнэх байх.

хуванцар тоглоомуудад мөнгөө зараад яах билээ дээ:
http://www.pinterest.com/jbegzsuren/before-buy_save-life/

Тайлал:

Үнэндээ бид,
- Монгол тоглоом наадгайн ач тусыг сэргээн уншиж мэдэж, http://baharhal.mn/news/1/2/118

- Монгол тоглоом наадгайгаа бэлтгэн тоглох цаг болжээ.
http://www.mongolcom.mn/read/3329
http://odbaatars.blog.banjig.net/post.php?post_id=124954


Уриалга: тоглоомонд мөнгө зарцуулахаа болъё!

Дээрх хоёр нийтлэлийг уншсанаар бид "Амьтны шаант ясны үзүүрт оршдог жижиг цул яс буюу шагайгаар наадах 80 орчим төрлийн тоглоом бий" -г мэдэж, улмаар 80 тоглоомыг тоглож чаддаг ухаалаг өвөө эмээ, аав ээж болцгооё!

Хуванцар сав суулга, эд хэрэгслэл худалдан авахгүй байх боломж

Бидний хэрэглээнд хуванцар шанага, түмпэн, сав суулга, хогийн сав, тоглоом үнэхээр тохиромжгүй нь өдрөөс өдөрт ихсэж байгаа хуванцар бараа бүтээгдэхүүний хог хаягдлаас харагдаж байна.

Тохиромжгүй байгаагийн учир нь дараах болон бусад олон шалтгаантай байх, та ч гэсэн өөрийн бодлоо сэтгэгдэлд бичиж хуваалцаарай:

- жилийн 4 улиралтай Монгол оронд хуванцар эдлэл, хэрэглэл нь хага хөлдөж,
- хөдөлгөөн чанга, хүчтэй бидний гарт тэсэхгүй хагарч, цуурч,
- нүүх суух, угааж цэвэрлэх ажлын пянг даахгүй эвдэрчихсэн байдаг,

Дараах хаягаар орж, бараа бүтээгдэхүүний зургуудыг хараад, хуванцар эдлэл худалдаж авахаасаа өмнө та нэг бодож үзээрэй гэж би мунхаглалаа. Баярлалаа.
http://www.pinterest.com/jbegzsuren/before-buy_save-life/


Мөн эрхэм та ямар хуванцар бүтээгдэхүүнийг хэдэн төгрөгөөр худалдаж аваад, хэрхэн сэтгэл ханамжгүй үлдсэн хэрэглээний жишээгээ блогийн хэрэглэгч нартай хуваалцаарай, баярлалаа.

Уриалга
хуванцар сав суулга, эд хэрэгслэл худалдан авахаа зогсооё!

Шийдэл

Монголчууд бид
 - арьс шир боловсруулан хийсэн -богц, -хөхүүр  гэх мэт
 - мод чулуугаа ашиглан хийсэн -модон аяга, домбо,  -чулуун ванн,
 - төмрөө боловсруулан хийсэн -данх, айргийн домбо,

эрхэм таны тусламжтайгаар дээрх жагсаалтыг өргөтгөн нэмэх хүсэлтэй байна, та цаг зав, сэтгэл зүрхээ зориулан Сэтгэгдэлд бичиж үлдээх эсвэл mcl_begee[et]yahoo.com имэйлээр холбоо барина уу. Баярлалаа.

Өнөөдөр миний мэндэлсэн өдөр - Өнөөдөр миний шинэ блогоо эхэлж байгаа өдөр

Худалдан авахаас өмнө ... Амьдралаа хэмнэе Before buy - Save life блогийн тухай

Бид өдөр тутмын амьдралдаа ямар их зүйлсийг хэрэглэдэг юм вэ?

- Агаар
Тайван байдалд эрүүл хүн нэг минутанд 8-10литр, цагт 500-600 литр, хоногт 1200-1400 литр хүчилтөрөгчөөр амьсгалдаг бол биеийн хүчний ачааллын үед 20,0 мянган литр хүртэл өсч болдог ажээ. Эх сурвалж: http://www.oxygen.mn/air/

- Ус
Орон сууцны оршин суугч нэг иргэн өдөрт 250-280 литр ус хэрэглэдэг бол гэр хорооллын иргэн өдөрт 8-10 литр ус зарцуулдаг. Эх сурвалж: http://miniiclub.com/forum/index.php?topic=7373.0

- Хоол хүнс
**Монголын дундаж орлоготой гэр бүл болох Р.Батсуурийнх ам бүл дөрөв. Нийслэл Улаанбаатар хотод амьдардаг. Долоо хоногийн хүнсний зардал- 41.855 төгрөг буюу 40.02 доллар. Эх сурвалж: http://mobile.inet.mn/shortArticle/?0xnbi27/13590
**Бид хоолны чанар, зориултыг мартсанаас эрүүл мэнд хохирохоос гадна үр удам маань сул дорой болох аюул нүүрлээд байна. Адууны махыг зун идэхээс цээрэл гэж ахмадууд хэлж байсныг санаж буй хүн байна уу? Адууны мах илчлэг ихтэй тул зун идэхээр бие халаад өвдөх аюултай. Эх сурвалж: http://www.amai.mn/archives/5210

- Машин унаа
Миний машины хөдөлгүүр ажиллахын тулд шатааж байгаа бензин тосноос байгаль орчинд хэрхэн бохирдож байдаг бол.
Бяцхан тооцоо хийе. Автомашины хөдөлгүүрийн тахир гол минутад дунджаар 1000-6000 удаа эргэдэг. Эндээс хэдүүлээ нэг машины агаарт цацах хорт хийг дундачлах гээд үзье. 1.5 литр багтаамжтай хөдөлгүүр нэг минутад дунджаар 1000-2500 литр агаар бохирдуулдгийг Нийслэлийн агаарын чанарын албаныхан гаргажээ. Тэгвэл нэг цагт 60-150 мянган литр, нэг өдөрт 1-1.5 сая литр агаар хортой элементүүдээр бохирддог байна. Энэ тоо зөвхөн нэг машины агаар бохирдуулах хэмжээ. Гэтэл гэр бүлийн гишүүдээс автобусаар, машинаараа явдаг хэн хэн байгаа билээ? Эх сурвалж. http://mobile.inet.mn/shortArticle/?xx3ki28/18430

Энэ мэтчилэн
- гутал хувцас, цүнх сав гээд элдэв бараа бүтээгдэхүүн, цаашилбал цахилгаан энерги, халаалт дулаан, хог хаягдал гээд үйлчилгээ хангамж гэх мэт өртөг зардлыг төлдөг, дуусдаг зүйлс, гүнзгийрвэл
-  инээд наадам, баяр хөөр, уйтгар гуниг, хичээл сурлага, хүндлэл хайр, дурлал шохоорхол гэхчилэн хэмжихийн аргагүй, дуусахгүй зүйлсийг бид хэрэглэж амьдардагаа бид мэднэ, харин утгыг мэддэггүй :-)

Энэхүү блогоороо
- аливаа бараа бүтээгдэхүүн, үйлчилгээг худалдан авсан бид яагаад худалдаж авсан, хэрхэн хэрэглэж байгаа туршлага, мэдлэгээ хуваалцаж,
- худалдаж авахын өмнө яаж судалж, мэдсэн түүхээ,
- анх худалдаж авахад их л хэрэгтэй, тустай санагдаж байсан ч, хэрэглээний явцад ашиг тусгүй мэт бодогдсон, батлагдсан,
- дараагийн худалдан авагч хүнд сургамж үлдээхээр шийдлээ.

Энэ блогийг хамтдаа бичицгээнэ шүү,
худалдан авсан бараа бүтээгдэхүүн, үйлчилгээг ашигласан туршлага, судалгаа, бодол дүгнэлтээ л сайн санааны үүднээс нийтлэж, хэн нэгэнд ямар нэг зүйлийг бодогдуулж, Амьдралаа хэмнэхэд нь туслаарай,
ярилцаарай, сэтгэгдлээ хуваалцаарай, миний утас 99861326, имэйл mcl_begee[et]yahoo.com

Долоо хэмжиж Нэг огтолцгооё!

Хүндэтгэн ёсолсон,
Ж.Бэгзсүрэн, гэргий Б.Мөнгөнсоёмбо