Мэндэлсэн өдрөөр нь юу бэлэглэх вэ?

Эрт цагаас хэзээ төрсөнийг тэмдэглэж үлдээдэг, хожим хойчийн ажил амьдралд нь уг өдрийн цаг байдлыг эргүүлэн хэрэглэдэг туршлага бидэнд олон хэлбэрээр үлджээ. Үүний нэг тод жишээ нь Монголчуудын угийн бичиг ба өнөөдөр ч угийн бичгийн ач тусыг ойлгож мэддэг нь үргэлжлүүлэн эсвэл шинээр хөтөлж байдаг.

Энэ удаад өөрийнхөө төдийгүй гэр бүл, найз нөхдийнхөө хүрээлэлд мэндэлсэн өдрөө төрөл бүрийн байдлаар тэмдэглэн өнгөрүүлдэг, өтгөс буурлын хувьд ойн баярууд, Ерөнхийлөгчийн бэлэг хүндэтгэл зэрэг хүртдэг бахархам байдлууд өргөн болсон.

Монгол хүн Дэлхийн улсуудын өөр ёс заншил, ахуй амьдрал, бодол ухаантай хүмүүсийг харж, ижил байх, хамтдаа байх, баясан дуурайх гэх мэт олон шалтгаанаар мэндэлсэн өдрөө тэмдэглэж байна. Үүний нэг нь Хотын төв ЕБС-ийн ахлах ангийн найзууд нийлж, 5 ханатай гэрт амьдардаг хүндэлж явдаг найздаа 2 хүний дайтай том зөөлөн баавгай бэлэглэсэн жишээ байна.

Энэ мэт тохиолдлыг буруутгах аргагүй ч, Монгол хүний мэндэлсэн өдрөө тэмдэглэх онцлог гэж юу байх вэ?
Бэгзсүрэн миний хувьд гараар хийсэн, хийж чаддаг зүйлээрээ бэлэг барихыг эрхэмлэдэг ба, мэндэлсэн өдрийг найз нөхөдтэйгээ эрүүл сайхан орчинд, зөв сайхан амттай хоол идэж, эерэг сайхан мэдээлэл авч, эцэст нь бие сэтгэлээ сайнаар тэтгэж өнгөрүүлэх аргыг мэддэг тул, найз нөхөддөө үргэлж хэлж танилцуулж явдаг.

Эрчим хүчний зарцуулалтаа ухаалаг, мэдлэгтэй болгоорой

Эрчим хүч буюу тог цахилгаанаар л суурин, хотын амьдрал бүтэж байгаатай та санал нийлнэ. Тиймээс л Улаанбаатар хотынхоо төдийгүй Дэлхийн аль ч улс орны хот суурин газарт очоод таны 1-рт мэдэж авах, ашиглах зүйлийн нэг нь цахилгааны эрчим хүчний хэдэн вольт, ямар тогны залгуур тухайн улсын стандарт, хэдээс хэдэн цагт цахилгааны өртөг хямд байдаг, яагаад гэвэл эрчим хүчээ дулааны, усны, нарны гэхчилэн ямар эх үүсвэр, компаниас хангадаг, цаашилбал эрчим хүчний илүүдэл үйлдвэрлэлтэй эсэх гэх мэт мэдээд авбал таны эрчим хүчний хэрэглээгээ зохицуулахад тустай байх зүйлс байдаг.

Бэгзсүрэн миний өрх гэр нь Улаанбаатар хотынхоо Баянзүрх дүүрэгт Дарь эхд байршиж амьдраад 10 гаруй жил болж байгаа ба сүүлийн жилүүдэд Өдөр шөнийн тарифт тоолуурыг ашиглаж байна. Тарифт тоолуурыг ашигласнаар цахилгааны хэрэглээгээ алийг нь шөнийн тарифтай үед ашиглах вэ гэдэг сонголттой болж, цахилгаан зардал багасдаг.

Саяхан би Баянзүрх дүүргийн Цайз, 16-р хороололд байрлах 2 жилийн өмнө ашиглалтанд орсон хотхон, орон сууцанд очиход, оршин суугчид нь анхнаасаа суурилуулж өгсөн 1 тарифт тоолуураараа л байгаа нь харагдаж, яагаад энэ айлууд Өдөр шөнийн тарифт тоолуурыг мэдэж хэрэглэхгүй байна аа гэж бодсон.

Мөн тарифт тоолуурыг хэрэглэх үед Монгол улс зуны цаг, өвлийн цагт шилждэг болсонтой холбогдуулан Шөнийн хямд тариф хэдээс хэдэн цагийн хооронд байх нь 1 цагаар өөрчлөгддөг болсон зэргийг мэдэж авч,
улмаар энэхүү нийтлэлийг уншиж байгаа эрхэм та гэрийнхээ цахилгааны тоолуур аль нь болохыг эргэн нэг харж, цахилгаан зарцуулалтаа хянаж үзээсэй.

Учир юу вэ гэвэл, Дэлхийн улсуудын хот, сууринуудад 24 цагаар тасралтгүй цахилгаан зарцуулдаг гудамж, талбай, үйлдвэр үйлчилгээ  гэх мэт нь маш олон зүйлс бий болсоноос эрчим хүчийг үйлдвэрлэх хүчин чадал тасралтгүй нэмэгдэх болчихоод, улмаар хэрэглээг зохистой болгоход зориулсан хууль дүрэм, мөн цаашилбал Эх дэлхийн өдөр /Earth Day/, Eco village гэх мэт олон нийтийн санал санаачлага, арга хэмжээнүүд бий болсоор байгаа.

Цахилгаан эрчим хүчний үнэ тариф:
http://ubedn.mn/public/show/id/10
erc.mn/index.php?newsid=29

Үнэ тооцдог аргачлал
ubedn.mn/index.php/public/show/id/13

4-р сарын 1 өдрөөс эхлэн цахилгааны шөнийн тариф тооцох Зуны цаг эхэлдэг:
ubedn.mn/index.php/public/newsshow/id/302
Энэ цагийн өөрчлөлтийг анзаарсан гэр бүл, өглөө 7 цаг хүртэл шөнийн хөнгөлөлттэй тарифаар эрчим хүчний үнэ тооцогдож байгааг анзаарч, улмаар эртлэн босоод уух усаа буцалгаж авах, хувцасаа индүүдэх, шарах шүүгээ гэх мэт эрчим хүч их хэрэглэж ажилладаг цахилгаан хэрэгслэлээ ашиглаж болох юм.

Барилгын хог хаягдлаас зайлсхийх сонголт, боломж

Барилга үйлдвэрлэл, засварын хог хаягдал ба Орон сууц

Хавар цаг, урин цаг ирж байгаль дэлхий цас, мөсөн хуягаа хайлуулж өөрийгөө угаан, урсгаж цэвэрлэж байна.
Цас, мөсөн доор нуугдаж байсан, өнгөрсөн хавар, зун, намар, өвлийн улирлуудад аваачиж хаясан барилгын хаягдлууд ил гарч ирлээ, манай энэ нутагт.
Байгалийн бүтээл болох ан амьтан, өвс ургамал өндийх гэтэл дээрээс нь цемент, шохой, будаг, шил, хуванцар тэргүүтэй Хүний ухаанаа зарж, сэтгэл зүрхээ гаргалгүй, мөнгө ашиг харж хиймэл бүтээсэн бүхэн амьд ертөнцийг дарангуйлж байна.

Эрхэм ухаант хүн, энэхүү блогийн уншигч минь ээ
- Өөрчлөлт нэг хүнээс эхэлдэг, харин та зөв гэж итгэж, сонгож, шийдээд эхэлсэн бол хэзээ ч бүү бууж өгөөрэй!
- Байшин, орон сууц, гэрээ тохижуулах зорилгоор химийн гаралтай эд зүйлс, ялангуяа өөрөөсөө хорт үнэр, хий, энергийг ялгаруулдаг, эвдрээд хаяхын цагт дахин боловсруулах боломжгүй, засаж сэлбээд ашиглах боломжгүй эд хөрөнгийг худалдан авахдаа Дахин нэг бодож үзнэ үү?
- Хамгийн сүүлд байшингаа засахдаа хэдэн шуудайгаар нь барилгын хогийг хаялуулснаа санаж байна уу, нэг шуудай барилгын хаягдал ямар хүнд жинтэй байсаныг нь өргөж үзэхдээ, өргөж байгаа хүмүүсийг харан мэдэрсэн үү, барилгын хог хаягдлаас ямар муухай чийг, хөгц үнэртэж байсан билээ?
- Монгол гэрийн мод, дээвэр, туурга, уяа бүслүүр нь бүгд байгалийн бүтээгдэхүүнээр хийгдсэн байдгийг мэднэ шүү дээ?
- Барилга байшинг арчлан тордох, сар бүр орон сууцны мөнгөн дээр чинь Засварын гээд хэдэн төгрөг, дахиад л метр, ширхэг гэлтгүй холбогч хоолой, холигч, почки гээд сэлбэг хэрэгслэлд бага гэхгүй мөнгө зардагаа тооцоорой?

Одоо тэгээд байшин, орон сууцанд амьдрахгүй бүгдээрээ Монгол гэрт амьдрах юм уу? Үгүй  л байх даа.  Шийдэл үргэлж байдаг:

1. Гагцхүү  барилга орон сууцаа байгальд ээлтэй материалаар барих, барьсан эсэхийг асуудаг, барихаас нь өмнө шаардаж чаддаг Мэдлэгийн хүч л бидэнд хэрэгтэй.
2. Орон гэрээ тохижуулахдаа тохь тухаасаа илүүтэйгээр эрүүл мэнд, эрүүл байгалийг эрэлхийлж, үр ач, хүүхэд багачууд, хайртай хүмүүстэйгээ олон жил энэ орон сууцаа ашиглаж амьдрах тул тэднийгээ бага наснаас нь хордуулахгүй, тэднээс ч олон жил ач тусаа бидэнд харамгүй өгөх Агаар, Ус, Цэцэг жимс, Уул толгод, Гуу жалганд хог болж хэвтэхгүй эд зүйлсийг л ашиглаарай.
3. Химийн гаралтай ханын цаасаа хээ хуар, шинэ шилдэгээр нь сонгож, цавуугаар нааж ажил болохын оронд Ханандаа даавуун хатгамал, бүр энгийнээр нь өнгийн даавуу өлгөж өнгө зүсийг нь засдаг бол ямар вэ?
4. Хаягдал дугуй, шил, лаазыг ашиглан Газрын гадаргын онцлогийг ашиглан барьдаг Earthship төрлийн байшинг барьж, хүлэмж, ус, бохир, халаалт зэргээ байгалийн хүчийг ашиглан шийдвэл бас ямар вэ?
5. Монгол гэрээ ус борооноос хамгаалж гялгар уутыг хэдэн арван метрээр нь худалдан авч ашиглах бус, уламжлалт ахарын ноос оролцуулж нягт эсгий боловсруулдаг аргаар хийсэн эсгийгээр бүрсэн гэр жинхэнэ Монгол гэр бус уу?
6. Орон сууц, гэрийнхээ шаланд химийн гаралтай, янз бүрийн өнгө будаг, хээ хуар бас Үнэр танартай, хэдхэн хүний хөлийн ая даагүй хэврэгхэн хулдаас, тоос шороо их татаж, гишгэх тоолонд агаарт цацаж байдаг дрож, хиймэл дүбэн шалны оронд арьс, ширмэл ширдэг дэвссэн байвал зочид, найз нөхөд тань ямар их талархан хүлээн авах бол? нэмж хэлэхэд байгалийн дэвсгэр бол сэгсрээд л цэвэрлэгдчихнэ! ямар нэг тоос сорогч, химийн гаралтай цэвэрлэгээний материал шаардахгүй.
7. Эдээр биеэ, гэрээ чимснээс Эрдмээр биеэ, гэрээ чимээрэй!? /өөрчилсөн зүйр үг/
8. Хүн энэ хорвоод шалдан ирээд, шалдан буцдаг гэдэгтэй та санал нийлэх үү? тийм бол их эд зүйлс цуглуулан өөрийгөө тойруулах хэрэг байна уу?
Хэрвээ таны худалдаж авах гэж байгаа барилгын материал, хэрэгслэлийг ирэх 3 сарын хугацаанд ашиглахгүйгээр амьдарч болохоор байна уу? тийм бол, гайхалтай сайхан зүйл болох нь ээ, мөнгөө ч хэмнэчихье?!
9. Таны санаа, бодлыг mcl_begee[et]yahoo[dot]com хаягаар хүлээн авъя

Ухаант хүмүүн биднийг эх байгаль илүү дутуугүй бүх зүйлээр хангасан байдгийг л нээж ашиглахдаа, эргээд эх байгалиа асарч торддоггүй юмаа гэхэд нэмж гэмтээхгүй л юмсан.

Сүүлд ямар цахилгаан барааг худалдан авсан вэ, одоо хэрэглэж байна уу

 

Сүүлд ямар цахилгаан барааг худалдан авсан вэ, одоо хэрэглэж байна уу?

нийтлэлийн зорилго

Ингэхэд тог цахилгааны эх үүсвэр байхгүй бол ямар ч цахилгаан бараа хэрэглэгдэх боломжгүй болж, хог болно гэдгийг бид тооцоолж амьдарвал ямар вэ? энэ ч арай хэтэрхий боломжгүй бодол байна аа гэвэл дараах бодол эргэцүүлэл илүүдэхгүй байх:

- цахилгаан бараа нь нэг цагт хэдий хэмжээний энерги зарцуулдаг
- ашигт үйлийн коффицент ямар вэ
- энэ цахилгаан барааг хэрэглэхгүйгээр амьдралын ямар арга байна вэ
- энэ цахилгаан барааг энэ удаад авахгүй тэсчихвэл дараагийнх нь арай л үр ашиг илүү байх эсэх
- ах дүүс, хамаатан, хөршөөсөө түр зээлээд, магадгүй түрээсийг нь төлөөд ашиглаж, хэргээ бүтээгээд л хэрэглэгдэхгүй цахилгаан бараа биш биз дээ
- сэлбэг хэрэгслэл нь олдох уу, засвар үйлчилгээний газар байдаг уу
- хог хаягдал болсон цагтаа хаашаа очих, байгаль дэлхийг минь бохирдуулах юм биш биз дээ,   эргүүлэн авдаг цэг, компани бий билүү?
- эрхэм таны бодлоор үргэлжлүүлье, холбоо барих имэйл mcl_begee[et]yahoo.com

нийтлэл бичих шалтгаан

Миний санахад, хүүхэд байхдаа харж, үзэж байсан анхны цахилгаан бараануудын нэг нь Рекорд 345 зураг, Электроникс кассетны хөгжим байсан байх? мөн бага ангийн сурагч байх үед аав минь электроникс хөгжимдөө микрофон холбож, аавыгаа дуулуулж, яриулж бичлэг хийж байсаныг бүдэг бадагхан санаж байна. Тэр цаг үед бид өвөөгийнхөө "Соньхон зэргэлээт говь минь. Солонгын долоон өнгөтэй дөө хө..." хэмээн Тэмээн дээрээс наран ойрхон дууг дуулсан бичлэгийг дахин дахин сонсож байсан даа.

Улаанбаатар хотод оюутан болж 1994 онд ирээд, Хорооллын эцэс дэх худалдааны төвөөс өөрийн гэсэн Электроникс хөгжмийг худалдан авч, 60, 90минутын бичлэг хийх багтаамжтай 20-30ш Sony, TDK гэх мэт брэндийн кассетыг худалдан авч өөрийн гэсэн цахилгаан бараатай болж, мөн ч их бичлэгийг ТВ болон өөр кассет зэргээс хийж, бичлэгийг сонсож байдаг байсан.

Хожим 2008 онд их сургуулиа төгсөөд, ханьтайгаа учирч, өрх гэрээ тусгаарлан оюутаны байранд амьдарч эхлэхдээ хоёр ширэмтэй Элга плиткыг Туул жин пан худалдааны төв дээрх Элгагийн нэрийн дэлгүүрээс худалдан авч байсанаа өнөөдрийг хүртэл хэрэглэж байна.
2002 онд 2 хүүхэдтэй болсон өрх гэрт угаалгын машин хэрэгтэй байна гээд УИД-ээс Toshiba брэндийн 6кг хувцас дийлж эргүүлж угаах чадалтайг сонгон авч байсан, хамгийн сүүлд 2012 онд Кевико компаниас утасгүй интернэт сүлжээний модем худалдан авч нь өнөөдрийг ашиг тусыг нь хүртсээр байна.

Харин ямар нэг шалтгаанаар хэрэглэгдэхгүй болсон цахилгаан бараанд 2 тарифт цахилгааны тоолуур, Zemon агаар цэвэршүүлэгч, Минск хөргөгч, эвдэрхий 586 компьютер, ультра туяаны Билюкс халаагуур зэрэг байгааг анзаарч нягтлан хэрэглэж ач тусыг нь хүртэх хэн нэгэнд өгөхөөс татгалзах юун.

Цахилгаан барааг л худалдан авсан түүх хүний амьдралын мартагдашгүй мөч байдаг байсан бол, одоо ямар байдаг юм бол?

Өнөөдөр шинэ шинэ загвар, үзүүлэлттэй төрөл бүрийн цахилгаан бараанууд, тэр дундаа чанарын шаардлага хангах, хангахгүй, амархан шатдаг, эвдэрдэг гээд цэнэглэдэг батарейтай ламп, лэд /led/ гар чийдэн, халуун тогоонуудаас эхлээд угаалгын машин, хуучин загварын зурагт, зурагтын төрөл бүрийн гадна, дотор антенн, удирдлага, эвдэрхий зургийн аппарат, гар утасны сэг, уртасгагч залгуур энд тэндгүй хог болжээ.

Таны өрх бүл сүүлд ямар цахилгаан барааг худалдан аваад хэрхэн үр ашигтай хэрэглэж байгаагаа тунгааж үзээд, өөрийн хэрэглээний туршлагаа бусадтайгаа хуваалцаж, буян болоорой. Баярлалаа.

Хүүхэд гэдэг цагаар өсдөг тул, хувцас, эдлэл хэрэглэлийг бага шаарддаг, гэтэл ...

Эрхэм та хэдхэн цаг, өдөр, сар буюу түр зуурхан л хэрэглэгдээд ашиглах боломжгүй болдог ихэнх зүйлсийг хүүхэддээ зориулан худалдан авч өгсөн байдгаа анзаарсан уу?

Миний бодлоор,
- нярай хүүхдийн соосго, өлгий, хөлд оруулагч, түрдэг тэрэг, шажигнадаг тоглоом, хоол иддэг ширээ гэх мэт хэрэглэл
- өдөр цагаар өсч байгаа хүүхдийн улирлын чанартай хэрэглэгдэх хувцас
- хүүхдийн өтгөн шингэнийг шингээх нэг удаагийн хэрэглэл-памперс
- хүүхдийн сонирхолыг татсан гэрэл чийдэн, хэв дүрслэл, өнгө будагтай, гарын ая даахгүй, эвдрэх нь хялбар хуванцар машин, хүүхэлдэй, буу, усан буу, жижигхэн биллиард, жижигхэн сагсны шит, бөмбөг гэх мэт төрөл бүрийн тоглоом
- үсний боолт, зүүлт
- шинэ жил, хүүхдийн баяр гэх мэт баяр ёслолын үеэр алба мэт худалдаж аваад, дараа нь эвдрээд хаягдаад дуусдаг хиймэл гацуур, гацуурын чимэглэл, саа тууз, үлээдэг төрөл бүрийн шаар, гэрэлтдэг хэрэгслэлүүд гэх мэт
зэрэгт эцэг эхчүүд, эмээ өвөө бид бага биш мөнгийг зарцуулан худалдаж авч хэрэглэдэгээ өөрчлөх цаг болсон мэт.

Уламжлалаас харвал,
- Хүүхдийн буян нь барагдана, өмсөх хувцасны тоо нь гүйцэнэ гээд аль болох ах дүүсийнх нь өмсөөд багадсан хувцас, гутлыг арчилж тордоод л өмсгөдөг
- Цагаан сар, Даахь үргээх ёслол гэх мэт ёслолт баярын өдрийг тохиолдуулан шинэ дээл хувцасыг урлан, ерөөл хэлж жилдээ 1 удаа л шинэ хувцас өмсгөж өнгө засдаг
- Нялх хүүхдэд торго, даавууны өөдсийг нийлүүлэн өөдсөн дээл, тэрлэг хийж дулаан, үзэмжтэй хувцасладаг

Дахин ашиглах санаанууд,
- нэхий өлгий нь даавуу шиг нэг л нярайн настай биш, шээхэд сэгсрээд л хатдаг, хүүхдийг хөлөргөдөггүй гэх мэт онцлогийг бодолцож, ах дүүс дундаа нэхий өлгийтэй болж, уламжлан хэрэглээрэй,
- хичээлийн сурах бичгийг дээд ангийн ахаасаа авч, би өөрийнхийгөө тэр ахын дүүд нь өгч, тэр ахын дүүгийн нь сурах бичгийг миний дүү авч ашигладаг гэхчилэн сурах бичгээ гамтай хэрэглээд дүү нартаа хэрэглүүлдэг байдал бараг уламжлал болсон байсаныг одоо цагт ах дүүс дотроо сэргээхийг хичээцгээе
- гутал, хувцасыг дамжуулан өмсөх нь өрх гэрийн эдийн засагт их тустайг ойлгуулах, ах эгчээ хүндэтгэх, дүү нартаа гамтай өмссөн хувцсаа дамжуулан өгөх бахархал болгоосой

Энэхүү блогийн эрхэм зочин та өөрийн санаа бодлоо харамгүй хуваалцахыг хүсье.

Шагайгаар нааддаг 80 гаруй тоглоом байдаг гэсэн, өөр тоглоомыг гэртээ худалдаж авч "хог" болгох хэрэг байна уу?

Таван хошуу малын шагайнаас хонь, ямааны шагай нь хэлбэр хэмжээгээрээ тоглоом наадгайд тохиромжтой байдаг юм шиг байгаа юм? мөн намайг жаахан байхад зээрийн шагай нь олон шагайнууд дотор дэгжин зэгзгэр харагддагаараа ялгагдаж, морь уралдаж тоглоход морь буух нь илүү боломжтой, тиймдээ ч хурдан шагай гэж бодогддог байж билээ.

Шагай гэдэг холбоос яс нь малын ард хөлд байдаг тул нэг малаас 2 шагай л гарна, иймдээ ч шагай нь малаа бага муулдаг эртний монголчуудад  тийм ч элбэг эд биш байсан бололтой.

БСШУЯамны вэбд
Нүүр хуудас-Боловсрол-Дээд боловсрол-Докторын зэрэг хамгаалах хурлын зар

Эрдмийн зэрэг хамгаална
   МУБИС-ийн Боловсрол судлалын ухааны докторант Т.Гэрэлтуяагийн "Хүүхдийн хөгжилд шагайн тоглоомын үзүүлэх нөлөөлөл" сэдвээр Боловсрол судлалын ухааны докторын зэрэг хамгаалуулах Эрдмийн зөвлөлийн хурал 2011 оны 12 дугаар сарын 23-ны 14.00 цагт  БИС-ийн Эрдмийн өргөө 207 тоотод болно. Эрдэм шинжилгээний удирдагч: Сэтгэл судлалын ухааны доктор, профессор Ж.Батдэлгэр

- Хүүхдийн оюун ухааныг ардын уламжлалт тоглоом наадгайгаар хөгжүүлэх арга зүй
2012 оны 01-р сарын 24, Нийтэлсэн Д.Ганхөлөг
  Монголчууд бид бүгд хүний хөгжлийг бие, оюун, сэтгэл хэмээх өөр хоорондоо салшгүй холбоотой гурван хэсгээс бүрддэг хэмээн үзэж ирсэн түүхэн уламжлалтай.
  Хүний хөгжил нь арга, билиг, үрийн харилцан шүтэлцээний гурвалсан зүй тогтолд тулгуурладаг санааг үндэсээ болгон хүүхдийн хөгжлийн үндэс суурийг бий болгох юм ...

- Монгол ёсон блогт Шагайгаар наадах тоглоом нийтлэл байна:






http://odbaatars.blog.banjig.net/post.php?post_id=123989

- Жуулчны мэдээллийн төв вэбийн Монгол зан заншил хэсэгт Алаг мэлхий өрөх тоглоомын танилцуулга
гэх мэт маш их мэдээлэл цахим орчинд тавигджээ.

Мөн цаашилбал,
- Улаанбаатар хотын нийтийн төв номын сангийн цахим каталогоос "шагай" түлхүүр үгээр хайлт хийхэд тус номын санд байгаа 9 ном хэвлэлийн нэрс олдож байна.


- A clever daughter-in-law
- Ancient Mongolian Fortune Telling : http://www.docstoc.com/docs/10069977/ 
- 100 points : http://www.docstoc.com/docs/68699171/

хүүхэд тань хичээлийн дэвтрүүдээ дугаарласан байна уу

2014-2015 оны хичээлийн шинэ жил дуусахад сар гаруйханы хугацаа үлджээ.
- хичээлийн дэвтэр, балны запас, гортиг, шугам, өнгийн цаас, үдээсний машины үдээс, ватум цаас гэхчилэн олон төрлийн хичээлийн хэрэглэлийг өдөр тутамд шахуу худалдан авч
- сургуулийн дүрэмт хувцас, цагаан цамц, гутал хувцас гээд эдэлгээ нь дуусч, бие өсч томрох, ном дэвтэр ихсэхтэй зэрэгцэн цүнх гэх мэтээ шинэчлэх зардалууд,
- хичээл сургуульдаа явахад автобус унаанд үзүүлэх сурагчийн үнэмлэх 1400 төг-өөр нэг удаа, харин энэ үнэмлэхнийхээ тусламжтайгаар ирж очихдоо автобусандаа өдөр тутамдаа нийт 400 төг төлж байгаагаа бид байх л зүйлс
мөн түүнчлэн хүүхдүүдийн минь хөгжөөн баясаан, бусдаасаа суралцаж мэдэж байгаа үг хэллэг, мэдээлэл мэдлэг, дадал хэвшил нь дээрх бүх зардалуудтайгаа нийлэн ирээдүйн  хөрөнгө оруулалт болон цаг хугацаатайгаа хамт урсан өнгөрч байна.

Эрхэм та ирэх намар шинэ ном, дэвтэр, дэвтрийн хавтас, өнгийн харандаа, өнгийн цаас, цавуу гээд л бүх л зүйлсийг шинээр авч өгөхийн оронд дараах боломжууд байдгийг ашиглах, мөн өөрийн туршлагаа хариу бичиж бусдад дуулгаарай:

- үргэлжлүүлэн хэрэглэж болох, дуусаагүй харандаа, үзэг, баллуур гэх мэт бүхий л хэрэглэлийг нь 9 сарын 1 хүртэл зөв хадгалуулах,
- намар хичээлийн жилд зориулсан хямдралтай худалдаанаас нийт хэрэглэгдэх дэвтэр, бас бус хэрэглэлээс нь бөөний үнээр хэдэн ширхэгийг худалдан авахаа хамтран тооцоолох,
- дэвтрээ дугаарлаж, бүрэн гүйцэд ашиглаж байсан эсэх буюу ямар хичээлд хэдэн хуудастай хэдэн дэвтэр хэрэглэгдэж байгааг хянах аргыг ашиглан ямар үр дүнд хүрсэн,
- сурлагын амжилтыг нь ахиулах, хадгалахад чиглэсэн яриа, итгэл, дэмжлэгийг хүүхэддээ хэрхэн үзүүлсэн
- зуны амралтаа үр бүтээлтэй өнгөрүүлэх, амьдралыг танин мэдэхэд нь чиглүүлж, туслахаа тооцож
- зарим нэг хэрэглэгдэхгүй болсон, дараагийн сурагч ашиглаж болохуйц хэрэглэлийг ах дүүс, танил нөхдийн хүрээнд хандивлах, хямдруулан худалдаалах, солилцох арга хэмжээ хаана явагдаж байгааг мэдэж, ашиглах
- хичээлийн жилдээ ямар амжилт бүтээл, алдаа оноо байснаа эргэн харж, өдрийн тэмдэглэлдээ дүгнэлт хийхэд нь туслах, ач тусыг нь өөрийн амьдралын түүхээрээ дурсан ярилцах
гэх мэт урсан ирэх цаг хугацааг тосч авах бэлтгэлээ хангаарай.

Зөв дадал хэвшил бол зөв хүмүүн байхын үндэс юм байна.